အဲဒီမြို့လေးကိုဘယ်တော့မှမလွမ်းတော့ဘူး..

Friday, November 21, 2008

ဒီပို့စ်ကိုရိုက်နေတည်းက နေဆူးသစ်ကိုလှမ်းစလိုက်သေးတယ်။နင်တို့အတွက် ပို့စ်တစ်ခုတင်စရာရှိတယ်..
ရိုက်နေတယ်လို့..ပြီးမှ..ခင်မောင်ထွေးတို့ အမခင်မင်းဇော်တို့အတွက်ရော..ဆိုမှ..သူလည်သွားတယ်
ခုတော့ ရှင်းလောက်ပါပြီ...ကျွန်မကသူတို့ရဲ့မြို့ကလေးမှာ..၈နှစ်တိတိနေခဲ့ဖူးတယ်... ၈နှစ်ဆိုတာ
ဘယ်လိုကုန်မှန်းမသိအောင်ကိုပျော်စရာကောင်းခဲ့တဲ့နေရာလေးပါ... အဲဒီမြို့ကလေးကို ကိုထူးအိမ်သင်
ကလည်းသိပ်ရိုးစင်းတဲ့မြို့ကလေးလို့ပြောခဲ့ဖူးတယ်။ဒါပေမယ့်ဒုတိယအကြိမ်ပြန်
ရောက်သွားချိန်မှာတော့မြို့ကလေးကတမျိုးဖြစ်နေခဲ့ပြီ.
ကျွန်မတစ်ဦးတည်းရဲ့ပုဂ္ဂလိကခံစားချက်ပဲဖြစ်ပါတယ်။..ကဲ..ဒီလောက်
ဆိုဘယ်မြို့လဲလို့သိပ်တွေးစရာလိုတော့မယ်မထင်ပါဘူး..ဟုတ်တယ်ဟုတ်...




အဲဒီမြို့ကလေးကိုဘယ်တော့မှမလွမ်းတော့ဘူး


တစ္ဆေတစ်ကောင်တစ်ကောင်လိုငိုညည်းစီးဆင်းနေတဲ့ ဒီမြစ်ကြီးကိုစီးနင်းပြီးကျွန်မချစ်
တဲ့မြို့ကလေးဆီကိုပြန်သွားရတဲ့အိပ်မက်ပြာလွင်လွင်တွေကိုနေ့စဉ်ရက်ဆက်မက်ခဲ့ဖူး
တယ်။မြို့ကလေးကလည်းကျွန်မအိပ်မက်ထဲကို ကြည်လင်နေတဲ့အရောင်လွင်လွင်တွေ
ဆင်မြန်းပြီးအလည်လာရတာ နှစ်သက်ခဲ့ဟန်တူပါရဲ့….။
ခုတော့လည်း တစ်နေ့တစ်ခြား ကျွန်မနဲ့မြိုကလေးက အနေဝေးလာလိုက်တာ။ခြောက်
အိပ်မက်တချို့နဲ့အတူရောထွေးပါလာတတ်တဲ့ မြို့ကလေးရဲ့အိပ်မက်တွေကတောင် မျက်လှည့်ပွဲတစ်ခုလိုခြောက်ခြားလှိုက်မောစရာကောင်းနေခဲ့ပြန်တယ်။သိပ်တော့မ
ဟုတ်နိုင်လောက်ပါဘူးနော်…။ကျွန်မဘ၀ရဲ့ဆောင်းရာသီက ရှည်လျားအေးစိမ့်လွန်း
နေခဲ့တော့..အိပ်မက်တွေက ကယောက်ကယက်နိုင်လွန်းနေခဲ့တာပဲဖြစ်မှာပါ။တကယ်
ဆိုကျွန်မချစ်ခဲ့ဖူးတဲ့မြို့ကလေးဟာ သီလကောင်းပြီး မာယာမရှိခဲ့ရှာပါဘူး..ဟုတ်တယ်
မဟုတ်လား..။အဲဒီခြောက်ခြောက်ခြားခြား အိပ်မက်တွေကိုကျော်လွှားထားရစ်ခဲ့နိုင်ဖို့
အတွက်..ကျွန်မ မြို့ကလေးရှိရာ ခဏဖြစ်ဖြစ် ..ပြန်မှဖြစ်တော့မယ်။အသေအချာကို
ပြန်မှဖြစ်တော့မယ်။

* * * * * * * * * * * * * * * * * * * * * * * * * * * * * * * * * * * *

မယုံနိုင်စရာကောင်းလောက်အောင် တက်ကြွလန်းဆန်းနေတဲ့ကျွန်မကို ချစ်သူက
တောင် မသင်္ကာသလိုကြည့်လာပါရောလား..။ပြီး…ကျွန်မကိုစိတ်မချနိုင်သလိုလည်း
မှာသေးတယ်။
“ဖြစ်ပါ့မလား..ချစ်.သွားရမယ့်ခရီးက သိပ်ဝေးလွန်းတယ်” တဲ့..။
ခရီးစဉ်တစ်ခုရဲ့လှည့်ဖျားမှုဆိုတာကိုဘ၀မှာမသင်ကြားခဲ့ရဖူးသေးတဲ့ကျွန်မကတော့
ခေါင်းမာမာနဲ့ခေါင်းကိုသာ တွင်တွင်ရမ်းရင်း စကားတစ်ခွန်းကိုခပ်တင်းတင်းဆိုခဲ့သေး
ရဲ့…။
“ဖြစ်ပါတယ်..ကို..ရဲ့..ခရီးပမ်းပေမယ့် အပမ်းပြေမှာသေချာပါတယ်..” လို့..။
ချစ်သူကတော့ တအံ့တသြနဲ့ပေါ့..။ကျွန်မ ဂီတသံစဉ်တစ်ခုလိုခပ်ဖွဖွ ရွတ်ဆိုခဲ့ဖူးတဲ့ ..
အဲဒီမြို့ကလေးဟာ..သူ့ကိုတောင်ခွဲသွားနိုင်လောက်အောင်စွမ်းသလားလို့လည်းတွေး
နေပုံပဲ..။ကျွန်မ ချစ်သူကိုမြို့ကလေးရဲ့ ဒဏ္ဍာရီအကြောင်းတဖွဲ့တနွဲ့ပြောပြချင်ပေမယ့်
….ပိုပြီးလေးနက်သက်ဝင်စေချင်တဲ့အတွက်..အပြန်မှပဲပြောပြဖို့ဆုံးဖြတ်လိုက်မိတယ်။
ကျွန်မခရီးစဉ်ကိုစခဲ့တဲ့နံနက်ခင်းဟာ…မယုံချင်စရာကောင်းလောက်အောင်ကို
သာသာယာယာရှိခဲ့တာပါ..။ခရီးရဲ့အကွာအဝေးဟာ သက္ကရာဇ်ပေါင်းမြောက်များစွာဆို
တာကို ကျွန်မတကယ်ပဲမမေ့ခဲ့ပါဘူး…။ဒါကိုကျော်လွှားဖို့အားတွေ တကယ်ပဲ ..အဆင်
သင့်ရှိနေခဲ့တယ်ဆိုရင် ယုံချင်ပါ့မလားမသိ…။

* * * * * * * * * * * * * * * * * * * * * * * * * * * * * * * * * * * *

သက္ကရာဇ်မိုင်တိုင်တွေနဲ့သူ့ရဲ့အရိပ်တွေ(မှုန်ဝါးတချို့၊ပြက်ထင်တချို့…)ကို ကျွန်မ..ခပ်
တင်းတင်းပဲကျော်ဖြတ်ပြစ်ခဲ့တယ်။ တစ်ချိန်က မာကြောကြော..စိမ်းဆတ်ဆတ်နဲ့ သံမဏိ
ဝတ်မှုန်တစ်စဟာ …တကယ်ပဲသူ့ရင်ခွင်ဆီဦးလှည့်လွင့်မျောလာခဲ့ပါပြီ..။စိတ်
ထဲမှာလည်း..“မြို့ကလေးရေ..ကျွန်မတော့တကယ်ပြန်လာခဲ့ပြီ..” ဆိုတဲ့စကားတစ်ခွန်း
ကို ဂါထာတစ်ပုဒ်လို အခါခါရွတ်ဆိုလို့…။
ပြီးတော့စိတ်ကူးတွေနဲ့လည်းရူးလို့…။ကျွန်မအိပ်မက်တွေထဲကမြို့ကလေးကိုတစ်စစီ
ပြန်လည်ဆက်စပ်သီတွဲရတာ..သိပ်ပျော်စရာကောင်းတာပါ..။မိုင်တိုင်တွေနဲ့ အရိပ်တွေ
ကလည်းဝိုးတ၀ါးကခုန်လို့..။ပန်းရောင်စုံတွေကလည်းပွင့်လို့…။မြို့ကလေးရဲ့ရိုးစင်းမှုက
လည်းလင်းချင်းလို့..။မာယာမများတဲ့သက်တံတစ်စင်းကတောင် အုံ့မိုးထားသေးရဲ့..။
မြို့ကလေးက ကျွန်မစိတ်ကူးထဲမှာတော့ရှုချင်စဖွယ် သက်ငြိမ်ပန်းချီကားတစ်ချပ်ပါပဲ..။
သက္ကရာဇ်တွေ…သက္ကရာဇ်တွေကို အမောတကော အပြေးအလွှားကျော်လွှား
ဖြတ်သန်းလာခဲ့လိုက်တာ…ခရီးဆုံးတောင်ရောက်လုပြီ..။ကျွန်မစိတ်ကူးရောင်စုံတွေကို
ခ၀ါချလိုက်တယ်။တကယ်လက်တွေ့ရင်ဆိုင်ရတော့မယ့် မြို့ကလေးရဲ့ရင်ခွင်ကို..
ဘယ်လိုစိတ်ကူးစိတ်သန်းကများ အမီလိုက်နိုင်မှာမို့လဲ…။

* * * * * * * * * * * * * * * * * * * * * * * * * * * * * * * * * * * *

“ရောက်ပြီ”
ဘယ်သူကပြောလိုက်တဲ့အသံမှန်းမသိပေမယ့်..ကျွန်မလိုခရီးသွားတွေအားလုံး လှုပ်လှုပ်ရှားရှားဖြစ်သွားရတာမို့..ကျွန်မလည်းဘေးဘီကိုကြည့်မိတယ်..။
“ ဟင်..ဘယ်ကိုရောက်တာလဲ..”
ကျွန်မရဲ့နှုတ်ဖျားက တအံ့တသြထွက်ကျလာတဲ့မေးခွန်းကြောင့်ကျွန်မဘေးက ခရီး
သည်ကြီးက..တအံ့တသြပဲပြန်မေးတယ်..။
“ မင်းက ..ဘယ်လာတာမို့လဲ..”
ကျွန်မက ကျွန်မမြို့ကလေးရဲ့နာမည်ကိုဂုဏ်ယူဝံ့ကြွားစွာပြောတော့…ခရီးသည်ကြီးက
ခေါင်းကိုရမ်းရင်းသက်ပြင်းတစ်ခုကိုချတယ်။
“ မင်းလာတဲ့နေရာကိုမင်းရောက်လာတာပေါ့..” တဲ့..။
“ ဟင့်အင်း..မဖြစ်နိုင်ပါဘူး..”
ကျွန်မရဲ့တိုးလျလျစောဒကတက်သံကိုခရီးသည်ကြီးက ဂရုမပြုတော့ပါဘူး..။သူ့ဘာ
သာသူ ပေါ့ပါးစွာခရီးဆက်သွားတော့တယ်။
ကျွန်မမှာသာ ဇဝေဇ၀ါနဲ့မြို့ကလေးကိုအကြာကြီးကြည့်နေမိတာ…။မြို့ကလေးကတော့
ကျွန်မကိုအသိအမှတ်ပြုဖို့မပြောနဲ့..ကျွန်မကိုတောင်တစ်ချက်ငဲ့ကြည့်ဖော်မရပါဘူး..။
ချုပ်ညရီရဲ့ဝိုးတ၀ါးအမှောင်အောက်မှာ..မြို့ကလေးဟာ အပိုဆာဒါးတွေသိပ်များနေတဲ့
ဇာတ်လမ်းအပျက်တစ်ပုဒ်လိုပဲ..။ပျက်ချော်ချော်နဲ့..။အိုး…ကျွန်မအမြင်မှားနေတာနေမှာ
ပါ..။တကယ်တော့ ကျွန်မဖြတ်သန်းခဲ့ရတဲ့ခရီးစဉ်က ရှည်လျားကြမ်းတမ်းလွန်းလို့ ကျွန်မအားအင်ချိနဲ့ေ၀၀ါးသွားတာဖြစ်နိုင်ပါတယ်။
တစ်ချိန်တုန်းကပြာလွင်စိမ်းမှောင်နေခဲ့ဖူးတဲ့ ရေကန်နားက နားခိုရားလေးတစ်
ခုဆီကျွန်မသွားရောက်နားခိုဖို့ဆုံးဖြတ်လိုက်တယ်။နေရောင်ဟာတစ်စစပျောက်ကွယ်
သွားပြီဖြစ်တဲ့အတွက်..ရေကန်ကိုတော့ကျွန်မမမြင်ရတော့ဘူး..။အဲဒီရေကန်နဲ့တံတား
လေးတစ်ခုကိုဖြတ်သန်းခဲ့ရတဲ့..နေ့ရက်ဟောင်းတချို့ကိုကောက်ယူစပ်သီရင်း
..ကျွန်မအိပ်စက်ပစ်လိုက်တယ်။ နေ့သစ်ဟာ..ကျွန်မဆီကို ကျွန်မချစ်တဲ့မြို့ကလေးကို
ပြန်ခေါ်လာခဲ့မှာပါဆိုတဲ့ယုံကြည်ချက်တွေနဲ့…။

* * * * * * * * * * * * * ** * * * * * * * * * * * * * * * ** * *

မနက်မိုးလင်းလို့ကျွန်မ ပထမဆုံးလုပ်မိတာက အခန်းတံခါးကိုဆွဲဖွင့်လို့ ၀ရံတာကို အလျင်စလိုထွက်လိုက်မိတာပါပဲ..။ဘုရားသခင်…ကျွန်မရဲ့ရေကန်ကြီးဘယ်ရောက်
သွားတာပါလိမ့်…။အပြိုင်းအရိုင်းထူထပ်မာကျောနေတဲ့ သစ်ပင်တွေက ကျွန်မကိုစိမ်း
စိမ်းကြီးရပ်ကြည့်နေကြတယ်။ ကျွန်မက အစိမ်းရောင်ကိုနှစ်သက်ခဲ့ဖူးပေမယ့်……..
အကြည့်စိမ်းတွေကိုတော့နှစ်လိုလေ့မရှိဘူး..။ဒါကြောင့်..ကျွန်မစိတ်ပျက်အားလျော့စွာ
အခန်းထဲပြန်ဝင်ခဲ့လိုက်တယ်။လှိုင်းဂယက်လေးတချို့ရဲ့တိုးတိုးတိတ်တိတ်ငိုညည်းသံ
တွေကိုကျွန်မကြားလိုက်ရသလိုပဲ..။
ကျွန်မဘာလုပ်ရမလဲ..။
ဘာတတ်နိုင်မှာလဲကွယ်…။အဲဒီအကြည့်တွေကိုရှောင်ကွင်းသွားလိုက်ရုံပေါ့…။
မဟုတ်ဘူးလား…။ကျွန်မနည်းနည်းတော့အားတက်သွားတယ်။ပြင်ဆင်ပြီးတဲ့မနက်စာကို
တောင်သတိမရအားပဲ ကျွန်မမြို့ကလေးရဲ့ရင်ခွင်ထဲ အလျင်စလိုခြေချလိုက်မိတော့
တယ်။
“ဟေ့”ခေါ်သံကြောင့် ကျွန်မလှည့်ကြည့်မိတော့လူတစ်ယောက်..။
“ဘာလဲ”
“ဒီလမ်းကမင်းသွားလို့မရဘူး”
“ဘာလို့မရရမှာလဲ..ကျွန်မရေကန်ကိုသွားမလို့”
“မင်းလိုလူမျိုးတွေမသွားရလို့ သတ်မှတ်ထားတယ်”
မြတ်စွာဘုရားသခင်။။
ကျွန်မဟာ ဥဒဟိုဖြတ်သန်းသွားလာနေတဲ့လူတွေနဲ့ယှဉ်ရင်ဘာများထူးခြားနေလို့ပါလိမ့်။
ကျွန်မမှန်ပဲပြေးကြည့်ရတော့မလိုလို..။
“ ကျွန်မကဘာဖြစ်နေလို့လဲ”
တကယ်ဆိုကျွန်မမှာအဲဒီလူလိုလည်းအစွယ်အပါဘူး။ဥဒဟိုသွားလာနေကြတဲ့သူတွေလိုလည်း
စံလွဲမှုအပါဝင်ဘူး..။
“မင်းဘာဖြစ်ဖြစ် မသွားရဘူး”
ဟင်..ဘလိုင်းကြီး။
“သွားရင်ကော..”
“သွားရင်..”
လက်ကနဲမြင်လိုက်ရတဲ့အစွယ်ဖွေးဖွေးတွေက..ကျွန်မကိုကျောစိမ့်သွားစေတယ်။မြိုကလေးကို
စစ်ကူတောင်းဖို့လှည့်ကြည့်မိတော့..မြို့ကလေးကို အရင်ကလိုပဲပြန်မြင်လိုက်ရတယ်။ဒါပေမယ့်
တစ်ခုခုတော့လွဲမှားနေသလိုပဲ..။SOS ဆန်တဲ့ကျွန်မရဲ့အကြည့်တွေကိုသူက မထီတရီနဲ့ကြည့်
နေတယ်။မှော်ဆရာရေ..ကျွန်မလမ်းမှားနေခဲ့ပြီလားမသိ..။မြို့ကလေးကိုဘယ်လိုနတ်ဆိုးတွေ
ကများပြုစားထားခဲ့ကြသလဲ..။တမလွန်ကနေရှင်ထောက်လှမ်းပေးပါဦး….။

* * * * * * * * * * * * * ** * * * * * * * * * * * * * * * ** * *

အားမတန်မာန်လျှော့..တဲ့။ပညာရှိစကားနဲ့ပြောရရင်တော့ ဒါဟာ ခန္တီစရောစွက်နေတဲ့လိမ်မာပါး
နပ်မှုတစ်မျိုးပေါ့..။ကျောခိုင်းလှည့်ပြန်ခဲ့ရတဲ့ကျွန်မရင်ထဲမှာ..မမြင်နိုင်တဲ့အစွယ်ရာတွေ ဗရပွနဲ့
ဆိုတာ ကျွန်မပဲသိပါတယ်။ ဒါပေမယ့် တော်ရုံနဲ့ကျွန်မလက်မလျှော့ချင်ဘူး..။နိုးထကာစနံက်ခင်း
တချို့မှာ..အရာရာကိုဇဝေဇ၀ါမသဲမကွဲဖြစ်နေတတ်ကြတယ်မဟုတ်လား..။မြို့ကလေးနဲ့ကျွန်မ
လည်းအဲလိုပဲဖြစ်မှာပါ..။
ကျွန်မခြေလှမ်တွေကိုလမ်းကြောင်းပြောင်းလိုက်ချိန်မှာ..နေရောင်တွေက မြို့ကလေးအပေါ်ကို
လင်းလက်စူးရဲစွာကျရောက်နေခဲ့ပါပြီ..။
“ဟင်..”
ဒီတစ်ခါရော..ကျွန်မအမြင်မှားတာပဲလား။
မြို့ကလေးဟာဖြူစင်ကြည်လင်မှုမရှိတော့တဲ့သူ့အသားအရေညစ်ထပ်ထပ်ကို …အဆင်ဆန်း
ခြုံထည်တွေအောက်ကိုယ်ယောင်ဖျောက်ထားရင်း..မျက်နှာထားတင်းတင်းနဲ့မာနတွေတက်နေ
လိုက်တာ..။ဘယ်မှာလဲ…သူ့ရဲ့ပင်ကိုယ်အလှ..။ပင်ကိုယ်ရိုးသားမှု…။နဂိုအဖြူထည်…။
ကျွန်မ..မိနစ်များစွာကြာအောင်သေဆုံးသွားခဲ့သလိုပဲ…။ငြိမ်သက်တိတ်ဆိတ်ငေးမော
နေမိတယ်။

* * * * * * * * * * * * * ** * * * * * * * * * * * * * * * ** * *

“မင်းဘာရပ်လုပ်နေပြန်တာလဲ..”
အသံကြားလို့လှည့်ကြည့်မိတော့…မနေ့ကခရီးသည်ကြီး…။
“ကျွန်မ….ကျွန်မ..”
ဆွံ့အ ထစ်ငေါ့နေတဲ့ကျွန်မကို ခရီးသည်ကြီးက ပြုံးပြီးကြည့်တယ်။
“မင်း..တစ်ခုခုကိုမေ့နေလား..”
“ ရှင်…ဘာ..ဘာလဲ”
“အချိန်နာရီတွေဟာ အရာရာကိုပြောင်းလဲပြစ်လိုက်နိုင်တယ်ဆိုတာလေ..”
သူ့စကားကိုနားလည်သလိုနဲ့ကျွန်မနားမလည်သေးဘူး..။
“ဘာကိုဆိုလိုတာလဲ..ခရီးသည်ကြီးရဲ့”
“ မင်း..ဘယ်ကနေဒီမြို့ကလေးဆီပြန်လာခဲ့တာလဲ..”
“ ဒီကနေ သက္ကရာဇ် အခု ၂၀ ကွာဝေးတဲ့နေရာက….”
ကျွန်မအဖြေကြောင့် သူတအံ့တသြဟန်နဲ့ တမင်ကြည့်တယ်။
“ မင်းနှယ့်ကွယ်…မင်းတောင်..အရင်ဒီမြို့ကလေးမှာနေတုန်းက အခြေအနေနဲ့ခုအခြေအနေ
တူသေးလို့လား..”
ကျွန်မ..ဇဝေဇ၀ါဖြစ်သွားရတယ်။ဒါပေမယ့်..ကျွန်မအာရုံမှာတော့ ယိမ်းထိုးကခုန်နေဆဲ အဖြူ
ရောင်တွေကိုကျွန်မမြင်နေရတုန်းပဲ။အားလုံးရှင်သန်နေကြသေးလားမသေချာတာကလွဲရင်ပေါ့။
“ထင်တာပဲ”
ကျွန်မအဖြေကြောင့်သူကပြုံးတယ်။
“ဘာမှမစွန်းထင်းဖို့အတွက်..မင်းဘယ်လိုဖြတ်သန်းရပ်တည်ခဲ့လဲ..”
“ဘာမှမစွန်းထင်းခဲ့တာမဟုတ်ပါဘူး…ပြန်လည်လျှော်ဖွပ်ခဲ့တာပါ…”
ကျွန်မအမှန်အတိုင်းဝန်ခံလိုက်တယ်။
“အေး..မြို့ကလေးကတော့မင်းလိုမတတ်နိုင်ခဲ့ဘူး၊အဲဒီအရောင်တွေကိုသူနှစ်လိုခဲ့တယ်လေ..”
ကျွန်မလက်မခံချင်ပါဘူး။ခေါင်းကိုအသာခါရမ်းမိရင်း…
“ မဖြစ်နိုင်ဘူး…မြို့ကလေးကသိပ်ဖြူစင်တာ..သူ့မှာအဲဒီလိုတပ်မက်တိမ်းမူးတတ်တဲ့ စိတ်တွေမရှိ
ဘူး..အဲဒါမှော်ဆရာသိတယ်..အို..မှော်ဆရာသာရှိရင်သိပ်ကောင်းမှာပဲ..”
ကျွန်မတောင့်တ လိုက်မိတယ်။ ရေနစ်တဲ့သူကောက်ရိုးတစ်မျှင်ကိုတမ်းတပုံမျိုးနဲ့..။
“ သူကဘာလုပ်နိုင်မှာမို့လဲ..”
“ သူ..သူ..မြို့ကလေးကို..တစ်ခုခု..”
ခရီးသည်ကြီးကပြုံးတယ်။သူ့အပြုံးက ကြေကွဲနာကျင်မှု၊ရင့်ကျက်တည်ငြိမ်မှုတွေသာမက..သရော်
တော်တော်ဟန်တွေလည်းရောစွက်နေသလိုပဲ..။လောကဓံတရားနဲ့ လောကပါလတရားတွေကို
သူဟာဆက်ယူကြည့်ခဲ့ဖူးပြီးလေပြီလား..။
“ မြို့ကလေးက မင်းဝတ္ထုတွေထဲကလို..မင်းလိုရာပုံသွင်းနိုင်တဲ့ ဇာတ်ကောင်တစ်ကောင်မဟုတ်ဘူး
ကလေးမရဲ့…။”
ရှင်….အံ့သြစရာ…သူက ကျွန်မစာရေးတာကိုဘယ်လိုသိရပြန်တာလဲ…။ကျွန်မရဲ့အတွေးကိုသူ့
စကားက ဖြတ်တောက်ပစ်လိုက်တယ်။
“ မင်းကပုံသွင်းနိုင်တယ်ပဲထား…မင်းရဲ့မှော်ဆရာက တစ်ခုခုတတ်နိုင်တယ်ပဲထား…မြို့ကလေးက
အလိုမကျခဲ့ရင်မင်းဘာတတ်နိုင်မှာလဲ..။”
“အံမယ်..မြို့ကလေးဒီလိုဖြစ်နေရတာကော…အလိုမတူပဲဖြစ်နေတာမဖြစ်နိုင်ဘူးလား..”
“မင်းသေချာကြည့်နေတာတောင်သေချာမသိသေးဘူးလား..”
ခရီးသည်ကြီးရဲ့စကားကြောင့်ကျွန်မဘယ်နှစ်ကြိမ်မြောက်မှန်း မသိမြို့ကလေးကိုစူးစိုက်ကြည့်မိ
ပြန်တယ်။အစိမ်းရောင်ဥပက္ခာအကြည့်တွေနဲ့ အဆင်ဆန်းဝတ်ရုံတွေထည်လဲဝတ်ဆင်ရင်း..
သံကွန်ခြာ (၇)ထပ်ထဲက အစွယ်ဖွေးဖွေးသတ္တ၀ါတွေ…။စံလွဲမှုတွေနဲ့နေထိုင်နေရတာကို သူမွေ့
ပျော်နေခဲ့ပြီလား…။
နီယွန်မီးပျောက်မီးစက်တွေတလက်လက်နဲ့ အနှစ်မဲ့ဥခွံတွေကိုထမ်းပိုးပျော်ပါးနေရတာကို ကျေနပ်
ပျော်မောနေခဲ့ပြီလား…။ရင်ဘတ်ထဲကသယံဇာတတွေကိုပြတိုက်ပို့လို့ သူဟာစောလူးလိုလူတွေနဲ့
နေထိုင်ရွှင်မြူးနေခဲ့ပြီပဲ…။


* * * * * * * * * * * * * ** * * * * * * * * * * * * * * * ** * *


ကျွန်မရင်ထဲကခုန်ပေါက်ထွက်သွားတဲ့မေးခွန်းတွေကို ကြားသလိုနဲ့ မြို့ကလေးက ကျွန်မကို သနား
စရာသတ္တ၀ါတစ်ကောင်လိုမထီတရီကြည့်တယ်။ပြီးတော့ စကားတစ်ခွန်းကိုခပ်တိုးတိုးပြောသေး
တယ်။ ဟောလီးဝုတ်မင်းသမီးလေသံမျိုးနဲ့..။
“ကိုယ်နဲ့မဆိုင်ရင်မဆိုင်သလိုနေပါ”..တဲ့။
ခိုတွဲဝန်းသီလာတဲ့မျက်ရည်စတွေကို ခရီးသည်ကြီးမမြင်အောင်ခေါင်းငုံ့ပစ်လိုက်ပြီး..သက်ပြင်းကို
ခိုးချမိချိန်မှာ ခရီးသည်ကြီးက စကားတစ်ခွန်းကိုဆိုတယ်။
“ ဒီလိုပါပဲ..ကလေးမရယ်”..တဲ့။
လောကမှာ ဒီလိုပါပဲ ဆိုတဲ့စကားလောက်ခုချိန်မှာပြီးပြည့်စုံပြီးတာသွားတဲ့စကားလုံးတောင်ရှိနိုင်တော့
မှာမဟုတ်ဘူးလို့ ကျွန်မတွေးလိုက်မိတယ်။
“ မင်း..ဘာလုပ်မှာလဲ..”
“ ကျွန်မပြန်ပါ့မယ်”
“ ဒါဆို..မင်းငါနဲ့လိုက်ခဲ့တော့..”
“ ရှင်..ဘာ..ဘာလို့လဲ..”
ခရီးသည်ကြီးက အဝေးတစ်နေရာကိုငေးရင်းဖြေတယ်။
“ ငါဟာမင်းဖြတ်သန်းခဲ့တဲ့ သက္ကရာဇ်တွေကိုထမ်းပိုးထားရသူလေ..” တဲ့။
ကျွန်မခြေလှမ်းတွေလေးကန်တုံ့ဆိုင်း…..။
ကျွန်မအားအင်တွေချိနဲ့မောပမ်း…။
ကျွန်မမျှော်လင့်ချက်တွေယိုင်လဲပြိုကျ….။
ကျွန်မအိပ်မက်တွေ တစ်စစီကွဲထွက်လွင့်ပျယ်…။
အို…ကျွန်မယိုင်လဲမသွားခင် ချစ်သူ့လက်ကိုဆွဲကိုင်ထားချင်မိတယ်။ ကျွန်မချစ်သူကိုခုမှလွမ်းတာ
တရားရဲ့လား..။တကယ်တော့ လူဆိုတာမျိုးက ဒီလိုပါပဲ..။ကံကြမ္မာတွေလွဲချော်သွားမှ နောင်တ
ရတတ်ကြတာလေ…။

* * * * * * * * * * * * * ** * * * * * * * * * * * * * * * ** * *

သက္ကရာဇ်အခု ၂၀ဖြတ်သန်းပြန်လာတဲ့ကျွန်မကို ချစ်သူကတော့ မေတ္တာ ကရုဏာအပြည့်နဲ့ဆီးကြို
နေခဲ့ပါတယ်။
“ပြောစမ်းပါဦး…မြို့ကလေးရဲ့ပုံပြင်ကို..”
ချစ်သူရဲ့အမေးကိုကျွန်မ မဖြေနိုင်ခဲ့ဘူး..။စကားလုံးတွေဆိတ်သုဉ်းသွားတာထက် ..ကျွန်မရဲ့ဆန္ဒ
အိပ်မက်တွေဆိတ်သုဉ်းသွားရတာဆိုပိုမှန်မလားပဲ..။ငြိမ်သက်နေမိတဲ့ကျွန်မကိုချစ်သူကနားမလည်
သလိုကြည့်တယ်။ကျွန်မကတော့အဲဒီနားမလည်နိုင်ခြင်းတွေကိုရှောင်ကွင်းရင်း စကားတစ်ခွန်းတည်း
ပြောနိုင်ခဲ့တယ်။
“ ကို..သိလား..ကျွန်မအဲဒီမြို့ကလေးကိုဘယ်တော့မှလွမ်းတော့မှာအဟုတ်ဘူး”…လို့။
ချစ်သူကတော့ခုထိနားမလည်နိုင်သေးဘူး။ဒါပေမယ့် ကျွန်မကတော့သေချာပါတယ်။ အဲဒီမြို့ကလေး
ကိုဘယ်သောအခါမှလွမ်းဆွတ်တမ်းမက်မိတော့မှာမဟုတ်ပါဘူး..။

မနော်ဟရီ


15 Comments:

ဆောင်းယွန်းလ said...

ကျနော်ကတော့အခုထက်ထိအဲဒီမြို့ကလေးကိုလွမ်း
ကောင်းတုန်းဘဲအမရေ..မြို့လေးနဲ့ဝေးခဲ့တာအနှစ်၂၀
ကျော်ပြီ.အဖေအမေနဲ့ညီညီမတွေအားလုံးမြို့ကလေးမှာ
ရှိနေကြတုန်းဘဲ.
လွန်ခဲ့တဲ့၈နှစ်လောက်ကအဲဒီမြို့ကလေးမှာဘဲ
ကျနော့်ညီတစ်ယောက်ဆုံးသွားခဲ့တယ်.မြို့ကလေးက
ကျောင်းကြီးကိုသတိရသလိုကန်သာယာကိုလည်းလွမ်း
တယ်ဗျာ....
အစစအရာရာအဆင်ပြေပါစေအမရေ....

ယောနသံစင်ရော် said...

အမရယ်...မြို့လေးကို မလွမ်းအောင်ကြိုးစားပေမဲ့လည်း အာရုံမှာ ဖြတ်ဖြတ်ဆိုပေါ်လာတတ်တယ်။ အဲဒါဟာ လွမ်းတာဆိုရင်လည်း လည်စင်းပြီးခံရုံပဲရှိတယ်။ ဒါပေမဲ့ တနေ့နေ့ပေါ့ ..အမရေ...တနေ့နေ့..ချစ်တဲ့မြို့လေးဆီတော့ ရောက်အောင်ပြန်ပါဦးမယ်။ ဘယ်လိုအပြင်အဆင်တွေပဲ ပြောင်းပါစေ။ ဘာလို့လည်းဆိုတော့ နှောင်ကြိုးမျှင်တွေက သိပ်ကိုတင်းလွန်းလှတယ် အမရယ်။

(အမ ရည်ညွန်းတဲ့မြို့လေးကိုတော့ မသိပါ.. ကိုယ့်မွေးရပ်မြေဇာတိကို ရည်ညွှန်းခံစားသွားတာပါ)

ခင်မင်းဇော် said...

မနော်ရေ..
တကယ်က မြို့ကလေးက လူတွေပါ အလိုမတူပဲ ပြောင်းလဲ ခံနေရတာပဲ မဟုတ်လား..
အမကတော့ ခဏခဏလွမ်းပါတယ်..
အဲဒီမြို့ကပဲ သူရဲကောင်းတွေ ပေါ်တတ်သေးတယ်လေ..
ရာဇ၀င်နဲ့ ချီပြီး လူကောင်းတွေလဲ မွေးထုတ်ပေးခဲ့ဖူးပါတယ်... လွမ်းပါ မနော်ရယ်.. ကောင်းတဲ့အချက်ကလေးတွေချည်းရွေးလွမ်းပေါ့..

နန်းညီ said...

တအား သဘောကျတယ်.. ဒါကို တစ်နေရာရာမှာ ဖတ်ဖူးနေသလိုပဲ.. ဖြစ်နိုင်သလား အစ်မ.. စာအုပ် ထွက်ထားတာလား..

chaos said...

အစ်မရေ ခုမှ ဒီဘလော့လေးကိုရောက်ဖူးတာပါ။
ဝတ္ထုတိုလေး ဖတ်ရတာ ဟိုးးးးထဲထိကိုထိတယ်။
ဖတ်လို့ကောင်းတယ်ဆိုတာထက်ကို အများကြီးပိုပါတယ်။

လင်းဒီပ said...

ကျွန်တော်ကတော့ မြို့လေးကိုလွမ်းတယ်ဗျ..

MANORHARY said...

အမခင်မင်းဇော်ရေ..ခံစားရချိန်ခဏမှာရေးလိုက်ပြီးက
တည်းက တစ်နှစ်ကိုတစ်ခေါက်နှုန်းနဲ့ကိုရောက်နေတော့
တာ...း)
နေဆူးသစ်နဲ့ ကျွန်မနဲ့ဟိုးတုန်းကသူများတွေရှေ့မှာပြောခဲ့
သလိုပေါ့..ရေခံမြေခံကောင်းက ဒီလိုလူတွေမွေးထုတ်
ပေးလိုက်တာလို့လေ...ဟုတ်ပါရဲ့ အများကြီးနော်..
နန်းညီရေ..ဒီဝတ္ထုလေးက အိုင်ဒီယာ ၂၀၀၇ ဂျူလိုင်
မှာပါသွားပါပြီ..
မြို့ကလေးကိုလွမ်းသွားကြသူအားလုံးကို အားနာပါတယ်။
ကျေးဇူးလည်းတင်ပါတယ်။

Kay said...

အဲဒီမြို့လေးက.. ရာဇ၀င်ထဲမှာ ကျန်ခဲ့တဲ့.. မြန်မာနိုင်ငံရဲ့ အဓိက ဆိပ်ကမ်းမြို့တော်ကြီး ဆို- သဘောင်္ကြီးတွေ တလူလူ ဆိုက်ကပ်ပြီး- ကုန်သည်ဧည့်သည်တွေ ဥဒဟို ၀င်ထွက်ခဲ့တယ် ဆိုတော့.. အရောင်တွေ စွန်းထင်းနေခဲ့တာတော့..ကြာခဲ့လောက်ပါပြီလေ။ ရေးထားသလို- ပြန်လည်လျှော်ဖွပ်ထားခဲ့သလား။ ပြန်လည် စွန်းပေသွားပြန်တာလား။

မေငြိမ်း said...

မနော်ရေ.. အမကတော့ မြို့လေးကို နာမည်လောက်သာ ပတ်သက်ခွင့်ရခဲ့တာ။ ဇာတိလို့ ပြောခွင့်မရ။ ဒါပေမဲ့ အဲဒီမြို့လေးက အဖေနဲ့အမေရဲ့ ဇာတိလေ..။ နွေပိတ်ရက်ဆို နှစ်ထပ်သင်္ဘောကြီးနဲ့ ပျော်စရာကောင်းလောက်အောင် ပြန်သွားခဲ့ရတဲ့ မြို့လေးပေါ့။ သိမ်းတင်သားရဲ့အပြောအရတော့ ဧရာဝတီတိုင်း ဤနေရာတွင် စသည်ဆိုတဲ့ ဆိုင်းဘုတ်ဟိုဘက်ကျော်ရင် လူတော်တွေချည်းဆိုပဲ.. ဟဲဟဲ..။ ဆိုတော့ အမလည်း ဇာစ်မြစ်အရ.. ပါ၏။

Anonymous said...

မ... ပြောတဲ့ မြို့လေးကို တစ်ခေါက်ရောက်ဖူးတယ်။
ရေခံမြေခံကောင်းက ဒီလိုလူတွေမွေးထုတ်
ပေးလိုက်တာဆိုတဲ့ စကားကို အကြွင်းမဲ့ထောက်ခံ ပါတယ်။ အဲဒီဒေသက ထွက်လာတဲ့သူတွေက တကယ်တော်တယ်နော်။း)
ဒီဝတ္ထုလေးဖတ်ပြီးတော့ ဇာတိမြို့လေးကို သတိရသွားတယ်။
မ... ပျော်ရွှင်ပါစေ......။

Moe Cho Thinn said...

မနော်ပြောတဲ့ မြို့ကလေးကို ရောက်ဖူးပါတယ်။
မုဇလိန္ဒာအိုင် မှာလဲ အမှတ်တရ နှစ်ယောက်အတူ သွားဖူးပါတယ်။
အဲဒီမြို့ကလေးမှာ အဘိုးအဖွားတွေရဲ့ ဘုရားပုထိုးတွေကို ပြင်တဲ့ကုသိုလ်ကောင်းမှုလဲ လုပ်ခဲ့တယ်။
အရောင်စွန်း၊ ရေတွေစီးသွားပေမဲ့ အရင်က မြို့လေးကို လွမ်းတုန်းပဲ။

ဒူကဘာ said...

ဒီမြေ၊ ဒီရေ၊ ဒီအသီးကိုများ စားခဲ့ဖူး သလားလို့ မရဲတရဲကို လွမ်းမိလေသလားလို့ !

tg.nwai said...

သိပ်ကောင်းတာပဲ မနော်ရယ်.. ကိုယ့်ဘာသာ ခံစားမိသလိုပဲ နားလည်ခံစားသွားပါတယ်။ ဒီဘလော.ဂ်လေး မနော်လုပ်ထားတာ သိပ်ကျေးဇူးတင်ပါတယ်..။

pandora said...

လွမ်းမိတဲ့ မြို့ကလေးချင်း အတူတူပဲ မ ရေ..။

မှတ်မှတ်ရရ အချိန်တွေကို ဖြတ်သန်းခဲ့ရတဲ့မြို့ကလေး။ ရိုးရှင်းတဲ့ မြို့ကလေး။ ၂၀၀၇ အကုန်ကတော့ ဖြတ်သန်းရုံလေး ဖြတ်ခဲ့ပါသေးတယ်။

ဟန်သစ်ငြိမ် said...

ကျွန်တော်ကတော့ အစ်မပြောတဲ့ မြို့လေးကို မရောက်ဖူးဘူး။

အချိန်ကာလက လူတွေကို ပြောင်းစေသလို... အတွေ့အကြုံတွေကလည်း လူတွေကို ပြောင်းစေနိုင်တယ် လို့ထင်တယ်။

တခါတခါ အချိန်ကာလက မပြောပလောက်ပေမယ့် ကိုယ့်ရဲ့ ပြောင်းလဲသွားတဲ့ အတွေ့အကြုံကြောင့် အဲဒီမြို့လေးအပေါ် ခံယူချက် ပြောင်းသွားတာလဲ ဖြစ်ကောင်းဖြစ်မှာ...။

ကျွန်တော်ကတော့ အဲလို ခဏခဏဖြစ်တတ်တယ်။