သစ်ရွက်အသေများပေါ်ကရက်စက်သောဂီတ

Sunday, October 26, 2008

အောင်ချိမ့်

ကျနော်တို့ရဲ့ခေတ္တကားချပ်၊ခရီး၊သိနားလည်သူတို့၏ကစားနည်း
အဂ္ဂါအယ်လင်ပိုး ၏ “၇၄”၀တ္ထု ၊ရေချိုးပြီးစ၊လေလွင့်ငှက်ခြေရာ


ကျနော်ရဲ့ခေတ္တကားချပ်

“ကာလနတ်ဆိုး
လက်ညှိုးနဲ့တံထွေး
ကင်းဝေးသောကိုယ်
ဖြစ်ရပါလို၏” ။

ဒီခပ်သောသော
ငါ့ရဲ့ရယ်မောသံမှာ
ဒဏ်ရာခြောက်ခြားဘွယ်
ငါ့ဘ၀ကွက်လပ်ငယ်များ
ဘယ်လောက်သေလွန်ပီးရပလဲ။

ငေးစိုက်မောလျ
အဲသလိုတွေးမိမျှဖြင့်
ဘ၀ဟာ
သုညသို့ကျဆင်း
တမြှင်းမြှင်းဆွေးခံစားရတယ်။

အလို၊ရေးဘော်က
“ဘ၀ကိုခင်သူ”တဲ့
ပဲပင်တွန့်လက်ရေးလေး
ကျေးဇူးကြီးမားပေစွ။

ဟုတ်တယ်
ငါဘ၀ကိုခင်ရမယ်။

အရသာခါးသက်
ကြက်ဟင်းခါးဟင်း
စားရင်းစားရင်းချိုဘူးတယ်။

ဆယ်စုတစုမှာ
သူ့အထုပ္ပတ်
မတ်တပ်ရပ်နေဘို့
အနိမ့်ဆုံး
(သို့မဟုတ်) အမြင့်ဆုံး
လုံးပမ်းနေလေရဲ့လေ။

တခါတလေ
စွန်းပေသောအဖြစ်
ချစ်သောသူတွေခွင့်လွှတ်ကြပါ။

သူ့စိတ်ထဲကအကြံ
ဘာကိုအံတုဘို့ဆိုလား
ဖဲချပ်များဖောင်းပွမှုအောက်
နေ့နဲ့ညကောက်ယူ
ဇောချွေးပူဖြူခဲ့
ငွေစက္ကူကိုရချင်တာဘဲ။

အို…အသံတို့
အဖန်တရာငရဲ
ဝဲကတော့စုန်ဆန်
အရွယ်၊ရင်ခုန်သံ
အာရုံရုပ်
မရုပ်သိမ်းနိုင်ကြောင်း
ပြန်ကြားတယ်။

ကျန်းမာရေးချို့
ဆေးကုသခွင့်
မဆုံသင့်ခင်
အိပ်မက်တွင်အတိတ်ရေး
ထီလေးတစောင်ထိုးထားတယ်။

အချစ်ရေ
နေ၀င်တော့မယ်ကွယ်.။

မျဉ်းကြားမှဖြတ်ကူး
အရက်မူးသူတယောက်
ကံကောင်းထောက်မပါစေ။

အလိုမတူဘဲ
သူမရဲ့
အပျိုစင်နောက်ဆုံးည
သချိုင်္င်းဝကကွေ့ပြန်…..လော့..။


“လေလွင့်ငှက်များ”
စကားဆိုဘို့လာရောက်
နွေဦးပေါက်ပါတော့။ ။
အောင်ချိမ့်


ခရီး

အိပ်မက်မရှိသူ
သီချင်းမဆိုတတ်သူ
ငါမဟုတ်မူ၍။

ငါ့အသင်
ခြေဆေးပါ
ခေါင်းလျှော်ပါ
ရေချိုးပါ
လာလေ..ဒို့သွားကြရအောင်။

ဝိညဉ်မဲ့ခေတ်များနဲ့
၂၄နာရီတို့ထံမှ
ကံကြမ္မာအရရွေးနှုတ်
ရေဒီယိုခလုတ်ကိုနှိပ်
သတင်းစာကိုလည်းပိတ်ခဲ့ပါ။

အစက်တစက်မှ
အခြားအစက်တစက်သို့
ဆက်သွယ်ပြီးမျဉ်းဖြောင့်တကြောင်
ညောင်းညာနေရောပေါ့။

နှစ်ပေါင်းအသောင်းအထောင်
သိပ်သည်းစွာမှောင်ခဲ့
အရောင်၊ရနံ့
ရသ၊လူ့အခွင့်အရေး
မြင့်မြတ်သောကလေးငယ်
ချိုနွေးသောမိခင်နို့
တို့ထိတီးခတ်လိုက်သောအခါ
လက်မှတ်ထိုးထားသောစာရွက်
မိုးချုန်းပျက်သံကြားရတယ်။

အတွေ့အကြုံနုနယ်စဉ်
မျက်ရည်ဆိုသောအသင်
လူမသိခင်ခုန်ဆင်းသွားရဲ့
သစ္စာဖောက်တယောက်အမူအကျင့်နဲ့။

လမ်းတူသူချင်းသာ
ဒဏ်ရာကိုဆေးကု
သွေးတိတ်အောင်ပြုစုလို့
ဒို့နောက်ကလူတွေလဲသတိရနေမယ်။

“ကြောက်ကြဟေ့၊ကြောက်ကြ”
ဒီနေ့ကိုသူတို့ပိုင်သ သတဲ့
အို ထမင်းစားခဲ့
အို အသက်ရှူခဲ့သူများသို့
ဆိုက်ဗေးရီးယားရောက်
သစ္စာတရားဟာ
ကျန်းမာလျက်ရှိကြောင်းသတင်းရတယ်။

အိမ်ရယ်
အိပ်ယာရယ်
သံယောဇဉ်များရယ်
ချစ်သောသူရယ်
ပူပင်ပေမယ့်ခနခွဲခဲ့ရ
ပြန်ဆုံကြတော့ပိုလို့နွေးမယ်။

ခြေထောက်များရဲ့အောက်
သမန်းညက်လောက်အောင်
“ဆက်လျှောက်ကြ”
“လျှောက်ကြ”
“လျှောက်ကြ”

လျှပ်တခါပြက်
မျက်တောင်တခါခတ်တိုင်းအံ့ဘွယ်ပ
ဝါကျ၊ပုဒ်မ
စကားလုံး၊သွေးနံ့
အဖြူသန့်သန့်စပွဲခင်း
ဟင်းခွက်ပေါင်းငါးရာ
မုသာဝါဒနဲ့
ဘာသာဗေဒတခုလေ
ကမ်းနားရေစပ်မှာထိုင်နေရဲ့။

“အလို”
ကိုင်းပင်ကဗျိုင်းတောင်
တောင်ပံလန့်ပျံပြေးသွားတယ်။

အို…လူ့သမိုင်း
စောင့်ဆိုင်းမှုသမာဓိ
ပြည့်ဝမြဲပြည့်ဝတော်မူပါအရှင်။

ဟိမ၀န္တာ
ဂန္ထ၀င်မြောက်တောအုပ်
လမ်းရှုပ်သည်ဖြစ်စေ
ရှင်းသည်ဖြစ်စေ
ရွှေပြည်တော်ကြီးနီးပါပြီ။

“လူ့ဘ၀ကား
အိပ်မက်မျှသာဖြစ်၏”
သစ်ပင်ပျိုပင်စည်၌
ထိုစာပိုဒ်အားတွေ့ရမည်
ငါရေးသားခဲ့ခြင်းဖြစ်ပေသည်။
အောင်ချိမ့်


သိနားလည်သူတို့၏ကစားနည်း


ဘ၀ဆိုးအကြောင်း
တိုးတိုး - တိုးတိုး…
ရိုးရိုးလေးနားထဲဝင်လာရဲ့။

“သိပါရစေကွယ်”ပေါ့လေ
ကယ်တင်ရှင်လေသံနဲ့
ငါ့ရဲ့စပ်စုမှုကြောင့်ပေါ့။

ပြီးတော့လဲ
တခြားလူတွေလိုပါဘဲ
အိပ်လိုက်တာပါဘဲ။

“အ၀င်း”ဆိုတဲ့ဖာသည်မလေးကို
အဲသလိုစော်ကားမိပါတယ်။
အောင်ချိမ့်
“ရင်ခုန်သံ (၄၉)” မှ


အဂ္ဂါအယ်လင်ပိုး၏ “၇၄”၀တ္ထု

“သင်၏နာရီသည်လည်း
စေ့ရောက်လိမ့်မည်”။

တိတ်ဆိတ်ခြောက်ခြားဘွယ်
နေကွယ်ဒေါင့်များနေရာ
သမ္မာကျမ်းစာပေါ်က
လင်းနို့တို့အော်ဟစ်သံ
နံရံကိုထိစင်ပြန်လာရဲ့။

အတိုင်းအတာတခုအထိ
မသိစိတ်သိစိတ်အမြုံ
ယာယီရင်မခုန်တဲ့နှလုံးသား
ပိန်ချုံးခြောက်ကပ်စွာ
ကပ်သုံးပါးမှာမျောနေတယ်။

……….“ရှူး”
မလုပ်နဲ့၊မလုပ်နဲ့
နှုတ်ဆိတ်နေလိုက်
စမ်းတော့
သူ့လမ်းသူသွားရမှာပါ
မကြာခင်သူသေတော့မှာပါ
အမင်္ဂလာသတင်းဆိုး
အေးစက်တိုးသက်လို့။

“ဆုတောင်းပတ္ထနာပြုပါတယ်”
တယ်လီဖုန်းထဲကတစ္ဆေ
“ဆရာဖေ” ရဲ့တေးထပ်
မဖတ်ဖူးဘူးထင်သလား။

ပန်းချီဆရာရဲ့လက်ဟာ
ဖွဲ့စည်းဆဲပန်းချီကားချပ်
အဆုံးသပ်စုတ်ချက်ကို
အလိုအလျောက်သိနိုင်စွမ်းတယ်။

ညစာစားပွဲမှ
ဂီတနဲ့အချိုပွဲတော်များအတွက်
ကြေကွဲရက်စက်မှုသူစိမ်း
ချစ်သူနဲ့ချိန်းထားသလိုရောက်ရှိလာမယ်။

နောက်ကျနေပါဘီ
နောက်ကျနေပါဘီ။

သင့်ကိုးကွယ်မှု
မြို့လယ်နာရီရဲ့ဒိုင်ခွက်
ပုရွက်ဆိတ်တွေတက်လို့ပေါ့။

မဖြစ်နိုင်တာနဲ့
မဖြစ်သေးတာကိုတွေးခေါ်
၁၀ပြားတန်ပေါင်ချိန်စက်ပေါ်ကအဆင်း
“အရင်းကြီးကြီးမြှုတ်နှံပါ” ဆိုတာရယ်
အနှုတ်လက္ခဏာ“၉၉”ပေါင်ရယ်
အံကျလာတော့တယ်။ ။
အန်ကျလာတော့တယ်။ ။
အောင်ချိမ့်


ရေချိုးပြီးစ

ပြီးရင်
ခန်းစီးနားကွယ်လို့
ငယ်ရွယ်သူတို့ဘာဝ
ရင်ခုန်သံလွလွလေးကို
မျှော်မယ်။

“ကြည့်စမ်းကွယ်
သူဒီနေ့
မနေ့ကထက်လှနေတယ်”
ဖြတ်သွားသူတွေပြောလိမ့်မယ်။

အရောင်အသွေး
အမွှေးအထုံ
အလှဗေဒနဲ့မှုံသ
မှန်ခုံကသူထလိုက်ပါပြီ။

ဟုတ်တယ်
ရေချိုးပြီးတယ်ဆိုရင်
ဘယ်လိုဘဲဖြစ်ဖြစ်
ဒါ ….ဖြစ်သင့်တယ်။

နုပျိုဆဲမှာ
အသက်သွေးပူနွေးဆဲမှာ
ရင်ခုန်သံသန်မာဆဲမှာ
ဒါဖြစ်သင့်တယ်။

ကျန်းမာရေးကောင်းသူတွေ
ရေချိုးကြပါတယ်။

တခါရေချိုးပြီးစ
တခါလှပါတယ်
ဘယ်နှစ်ခါချိုးချိုး
ရိုးသွားမယ့်အလုပ်
ဘယ်ဟုတ်လိမ့်မလဲ။

သူတော်စင်တို့စကားတော့
နားမယောင်ကြလေနဲ့
နွေမှာ၊မိုးမှာ
ဆောင်းမှာ
ရေချိုးကြပါလေ။

တကယ်တော့သိလား
အမာရွတ်မျက်နှာသနပ်ခါးလိန်းလို့ကော
နာတာရှည်ရောဂါသည်ရေမွှေးဆွတ်
မုဆိုးမကမူပြပစေ
အသေကောင်ရေချိုးရင်လဲ
အပိုပါဘဲ။

ရိုးသားမှုနဲ့
တတ်စွမ်းနိုင်တာပြုလုပ်
ကျွန်ုပ်တို့ရေချိုးကြရအောင်။
အောင်ချိမ့်


လေလွင့်ငှက်ခြေရာ

ခေတ်နဲ့တူရဲ့
ဟိုး…လှိုင်းဖြူဖြူတို့အပေါ်မှာ
မကြာခင်ကျော်လာခဲ့မယ်တဲ့
သွားနှင့်တဲ့။

မိစ္ဆာဒိဌိ
အယူရှိသူ
ရာစုတခုလုံး
အနုမြူဗုံးဖောက်ခွဲခဲ့ရာ။

နောက်ဆုံးပတ်
“ကံဆိုးမ”ရထား
ထွက်ခွာသွားရာနောက်အပြေး
ဗီဇကမ္မဇတိုက်ဆိုင်တာလေးနဲ့
သူမွေးဖွားခဲ့ပြန်ပါရော။

“ရေတပေါက်လောက်
သောက်ချင်လိုက်တာ”
မျက်နှာတိုင်းတပ်ဆင်ထားကြ
လက်နက်ချလိုက်
ဘ၀ကိုမဖြုန်းတီးပစ်နိုင်ပါ။

“အမေကစိုးရိမ်တတ်တယ်”
ပိန်လိုက်တာနော်
ည ည အိပ်မပျော်ဘူးအမေ
တံခါးခေါက်သံကြားကြားနေရတယ်
သေသူလား……..ရှင်သူတွေလားဟင်။

သိင်္ဂါရ ရသ
တောက်ပစမ်းပါဘိ
မသိနားမလည်မှုအပေါင်းအား
သမားကောင်းထံအပ်နှံရဲ့။

ဤလောကမှ
ချွင်းချက်မဲ့ “မနေ့” နှင့်
တိုတောင်းသော “ယနေ့” ဟူ၍
သူလက်ခံရရှိခဲ့ပါသည်။

ဤလောကမှ
ရှည်လျားသော“မနက်ဖြန်”၌
မွဲကြန်အောက်သိုးသောအနံ့အသက်များ
သူမထားရက်နိုင်ခဲ့ပါပြီ။ ။
အောင်ချိမ့်


6 Comments:

Anonymous said...

မနော်ရေ

ငယ်ငယ်က ဖတ်ဖူးပေမယ့် အခုလို စုစုစည်းစည်း ပြန်သိမ်းလို့ရတာ ကျေးဇူးအထူးပါ။
ကျေးဇူးတွေ သိပ်များနေပြီ။ :)

တင်မင်းထက်

မေငြိမ်း said...

မနော်။။
ဖော်ဝေးကို လွမ်းတယ်..
သမီးလေး မဟူရာကိုကို အပျိုဖြစ်ပြီ ကိုလည်း လွမ်းတယ်။

MANORHARY said...

အမရေ..ကိုချော ကိုလည်းလွမ်းတယ်။
မကြာခဏ ဆိုသလို ဖတ်မိနေတဲ့ လူကြိုက်နည်းတဲ့ကောင် ..ကဗျာ...

တင်မင်းထက်ရေ..
ပီဒီအက်ဖ်ဖိုင် လေးပြောင်းထားပါလားကွယ်..

မိုးကြယ် said...

အစ်မရေ ဆရာအောင်ချိမ့် ရဲ့ ကဗျာတွေကိုဖတ်ရတာ အရမ်းအနှစ်သာရရှိပါတယ်။ အခုလိုဖတ်ခွင့်ရအောင် စီစဉ်ပေး
တဲ့အတွက်ကျေးဇူးပါခင်ဗျာ။

ဆရာမောင်ချောနွယ်ရဲ့ လူကြိုက်နည်းတဲ့ကောင်ကဗျာကို တော်တော်
လေးကြိုက်ပါတယ်.

ကြိုက်လွန်းလို့ ကဗျာသရုပ်ဖော်ပန်းချီ(ဆရာ မုတ်သုန် ရေးထားတဲ့
တစ်ကြောင်းပန်းချီ) ကို T-Shirt မှာတံဆိပ်ရိုက်ထားဖြစ်သေးတယ်
:)

ူlotuslynn said...

မေခရေ

စာတစ်လုံးချင်း
ကဗျာတစ်ပိုဒ်ချင်း
ဖတ်ရင်းဖတ်ရင်း.......

ကျေးဇူးတင်ပါတယ်သူငယ်ချင်းရေ့

ကြက်ဟင်းခါးသီးကိုစားရင်းချိုနေရသူ

wai lin said...

အရင်တုန်းက ကျနော့်မှာလည်း နွေလည်နေ့လက်ရေးနဲ့ ဒီစာအုပ်ကလေး သိမ်းထားခဲ့ဘူးတယ်။ ခုလိုအချိန်မှာ ပြန်ဖတ်ရလို့ မနော်ကို ကျေးဇူးတင်ပါတယ်။ မင်္ဂလာပါ။